حر شرمنده ام ای شاه پناه آختاریرام
گلمشم درگهوه عزّت و جاه آختارورام
من همان ظالــــیمیدیم ظلمده طغیان ایلدیم
فاطمه قیزلارینی قلبی پریــشان ایلــــــــدیم
او جســـارت که حســـــینه من نادان ایلــدیم
گلمیشم خط امان عفـــو گنـــاه آختـــــارورام
یتورون شاهه دیون بنـــده شرمنـــده گلــــوب
یا حسین حر سر افکنـده پناهنـــده گلـــــوب
قاپــــوا بیـــر یوزی قاره الی بوش بنــده گلوب
حالیمه گوشه چشــــــمونله نـــگاه آختارورام
گورمــــدوم آل یـــزیدون ســـر راهینده شرف
نه امیرینــده ادب وار نه سپاهینـــــده شـــرف
نه لباسینده فضیلـــت نه کلاهـــینده شــــرف
من بو دربار شرافتــده کـــــلاه آختـــــــــارورام
من ازل فکر ایلدیم ایش بلــه گلمــــــز قـــاباقا
کیمدی شمشیر چکه دعوت اولونموش قوناقا
من عفو ایله باغیشــــــلا یولوی کســــدیم آقا
اینده باب کــــــرم و رحمتــــه راه آختـــــارورام
آتاوین حقینه ویّـــــرم قســــم ای شاه سنی
قاپوا قان ایلیوب گلـــــــــمیشم عفو ایله منی
سیز شــــرف معدنی سوز ردّ المزسوز گلنی
توبه رو ســـیه و نامه سیــــاه آختـــــــــارورام
دردیمون چاره سینی سنــــــده فقط گورّم آقا
دامن وصلــــوی الـــدن نجه مـــن ویــــــرّم آقا
من اگر حرّم ایلـــــــــه بو قاپــــودا هــــورّم آقا
استخوان کرمون گــــاه به گــــاه آختــــارورام
