اکبریم رشته زلفـــــــونده قیــــــزیل قان دوزولوب
سانکی جان جوهری چون شدّه مرجان دوزولوب
قاره زلفون بویانوب قـــانه ســالـــوب اود دوزومه
ایستورم سوز دانیشـــام اودلانورام ئوز سوزومه
گوگده گون وار ولی ظلمـت اولوب عالم گوزومه
گـــه سنـــه آغلیـورام گــــه آنـــــوا گــــه ئوزومه
گــوز یاشیــم صــورته چون دانه مرجان دوزولوب
نجـــه رفتـــار ایلیــــوبـــدور ســـنیلن بـــــو اعدا
ایـــــــله بیـــر حالــه ســـالوب جسموی تیغ برّا
دغــــــرانـــــوبـــدور ظلــــمیله گـــــویا طـــــــوبا
داغیــــلان پیــــکروین شـــــکلی باخانــــدا گویا
ســـوره به ســوره تراب اوستونه قرآن دوزولوب
پـــــرده تار ســــــالــــوب گــــوزلـــــره حبّ دنیا
قصــــد بیــــــــراهه ایــــــدوبلر مَثَــــــــــل نابینا
ایتیــــــروبــــــلر ره یــــزدانی بــو چــــولده اعدا
جنت آدیــله گیــــــدور دوزخــه لـشــــــکر امّـــا
سینـــــوه رمــــز کلــــید در رضـــــوان دوزولــوب
قـــان محـــــاقینـــده باتــوبســـان مه انور مِثلی
پـاره پـاره داغیــلوبســــان یـــره اختــــــــر مِثلی
یـا کـــــی طـــوفان داغیــــدان قرمزی گُللر مِثلی
یخیلــــوبســـــان گوزلـــــیم ســــــرو صنوبر مِثلی
دوروه قـــــــان ایــــلـــه بیــــل لاله نعمان دوزولوب
یخیلــــوب ســـــرو رســــا قـــامـــت باغ حیـــــدر
یــاره لـــر گلــــشن جســــمونده آچـــــوبلار گُللر
بـا صفــــا منظـــــره ســـی باغ جنـــــانه بنــــــذر
قان سوزور ژاله کیمی سانکی آخور اشـــــک تر
لاله لرده بو گلستـــانیــــده گــــریان دوزولـــــوب
