قاره گیون ای شیعه لر محرم تازه لندی
زهرانون عزیز اوغـــلونا مــاتم تزه لندی
گونلــــر دولانوب گــــلدی عزا بزمی آچولدی
گوگدن گینه ده قانه باتان کوینک آســـیلدی
غم قمــریلــــــری گلـــشن ماتم ده آیـــلدی
کوکو سسینه سس قوشو لوب دم تزه لندی
یا فاطمه غملـــــــر کوزی دیللـــــرده کوزردی
بو قاره گینلـــــر چوخی بیر ائلــــدی دوزردی
بعضیسی گلوب یاسه گینه دیلده کی دردی
گورجک قره پرچم لری کم کم تزه لندی
چونکه محن کرب وبلا وار بو عَلَـــــــمده
مین راز نهان سِرّ خدا وار بو عَلَــــــمده
دوز گَلسه گَلن، درده دوا وار بو عَلَـمده
زینــب اَلـــــه آلجاق بونی عالم تزه لندی
اسلام علمین قاره عَلم ساخــــلادی برپا
نصب اولدی هارا ایلدی دشمنلری رسوا
ئوز معجرینی ایتدی علم دختـــــر زهـــرا
عباس عَلَمی یاده دوشوب غم تزه لندی
