آخ او شمشیر اوتوران قاشیوه قربانم علی
آی کیمی پارچالانان باشـــیوه قربانم علی
ساکیم مست گوزوندن منی مدهـــــــوش آپارور
گوزلرون نازیــــــله هر باشداکه وار هــوش آپارور
هامونی دینــدیرور امــا منـــی خــــاموش آپـــارور
عاشقم غمزوه پر خاشــــوه قــــــــربانم علــــی
نقد جان تک آناوین دهــــــرده ســـــرمایسی وار
چخارام بیر باشا عشـــقون نقــــدر پایه سی وار
شاکرم من گنه باشــیمده اوغول سایه سی وار
باشیمه سایه ســالان باشـــوه قــــربانم علـــی
صورتون سوره سی مصداقیدی شق الــــــقمره
زحمتیم عقرب شمشیـــر ویــــروبدور هـــــــدره
قمـــر عقـــــربده دوشــــوب کوکب بختیم خطره
نظر ایــــــله گــــوزوه قاشـــوه قــــــربانم علـــی
دیمورم هیچ آناوام لطف ایـــله افســــرده دلــــم
سنی عطشان یولا سالدیم او سببدن خجلـــم
منده یوخدور او لیاقت سنــه قـــربان کسیــــلم
سود امر سویگلی قارداشـــوه قـــــربانم علـــی
طوی گونوده آچار اوغلوم باجی قـارداشه الـــین
هـــارا الان یـــازا بلّـــم فلکیـــن بو عــــــــــلمین
نیزه ده گوز یاشی توک جمع ایلسون تازه گلین
قـــوی دیسون گوزده کی شاباشوه قربانم علی
