بی پناهم قوما قارداش باب حاجـــــتدن منی
باعثی خواراولسون ئولدوردی خجالتدن منی
کوفه دن دوزدی امان یازمش منه عمال شـــام
من ولی ئولسم قوجالسام آستانونده خوشام
فاطمه سود ورمیوب اما دوزونـدان دادمشــــام
کــــمترم البته کــــم بلــــمه ارادتـــدن منــی
مــــن طفیل در گـــهم مدتدی ای مـــــیر حـرم
بلمرم ســـــــرباز صفـــــرم یا امیــــر لــــشگرم
عزتیم سنــسن حسین من بیر اووج خاکسترم
ویر شهـــــادت مژده سین قورتار هلاکتدن منی
ایلـــورم الان اوتوز دورد ئیلــــــــدی راحت زندگی
عمر اولوب آســـوده لیـــــکدن باعث شرمندگی
اولماسا گر سجده گاهیمـــده نشان بنـــــدگی
صاحــــبیم آیا تانور هانـــسی علامتــــدن منــی
نوح طــــــوفانیله دونمـــز شــاهراهیمدن یوزوم
آیریلا باشیم دولانماز ذره شـــاهیـــــمدن یوزوم
طاعتیم باطلدی دونسه قبله گاهیمــدن یوزوم
منع ادنمز هیـــچ حـــــوادث بو سعــــادتدن منی
ایندی بیــــر رفتار ایله عباسه دشمن گلــــــمسون
آدیـــمی ام البنین اوز خاطرینــــــــــدن سیلمسون
بو سوزی سن بیل آنون سعی ایله زینب بیلمسون
سوز بلنسه سندیرار شان و صداقتدن منی
