آی باتدی صبح آچیلدی زینب نوایه گلدی
زهرا دیدی حسین وای عالم صدایه گلدی
****
چون یخدیلار آتندان سلطان تشنه کامی
دنیای اولدی اعلان قتل الحسین پیامی
جنایتدن ایشتدی پیغمبر گرامی
نعلین سیز عباسیز کرب و بلایه گلدی
****
پیمانه کامل اولدی جناته ویردی جانین
شوق و شرافتیلن طی ایتدی امتحانین
شمر دغا توکنده خاک منایه قانین
یوز دوتدی آسمانه حمدو ثنایه گلدی
****
خون خدا توکلدی گودال کربلایه
یرلر تزلزل ایتدی رعشه دوشوب سمایه
کروبیان لاهوت آغلاشدی بو بلایه
یل اسدی گون دوتولدی ظلمت فضایه گلدی
****
خون حسین بوغازدان جاری اولان زمانی
جبریل آپاردی عرشه بیر شیشه ده او قانی
اول شیشه دن نمودار اولدی بلا نشانی
قوزاندی بوی ماتم اهل سمایه گلدی
****
نور حق اولدی لامع باشیز قالان بدنده
راس حسین مظلوم سر نیزیه گیدنده
باد صبا اسنده یر زلزله ایدنده
سیندی نظام دنیا حد فنایه گلدی
****
نزدیکدی یریندن چخسون مدار دنیا
آل امیده ایتسون دستور شرعی ملغی
سر نیزدن ایدنده نور حسین تجلا
دین محمد اوسته نورانی سایه گلدی
****
