حسینون اوچ یاشیندا بیر بالاسی
یاماقلی معجریلن دفن اولوندی
قالاجاق گودورلر یرده جنازه
خرابه گوشه سینده دفن اولوندی
***
خانملار باش آچوب ویرانه ایچره
خصوصی اول یتیمه دوتدولار یاس
گتورن نه کفن اولدی نه تابوت
نه تشیعینده بیر اجلال و اجلاس
ره کرب و بلایه تیکدیلر گوز
نه اکبر گلدی نه قاسم نه عباس
قالاجاق گودورلر یرده جنازه
خرابه گوشه سینده دفن اولوندی
***
شهنشاه ایکی عالم قیزیدی
گرک عالملره اعلان اولیدی
جنازه عزتیلن شوکتیلن
روانه سوی قبرستان اولیدی
همان ویرانه تک اول شهر شامی
همیشه سن گوروم ویران اولیدی
قالاجاق گودورلر یرده جنازه
خرابه گوشه سینده دفن اولوندی
***
لباسیکه بیر ایل اگننده قالمشدی
توکوبلر قبرون اول لباسی
ارایه آلدیلار پوزقون مزاری
یتیمه دخترون باشلاندی یاسی
دیور بو سوزلری آغلار دمادم
مزارون اوسته باجیسی آناسی
قالاجاق گودورلر یرده جنازه
خرابه گوشه سینده دفن اولوندی
***
عروس آچمش باشین زولفین داغتمیش
توکوبدور اول مزارون اوسته آغلار
آخار مرجان کیمی قان یاش گوزوندن
یانار قلبی اولور دلخسته آغلار
قوجاقینه آلوب پوزقون مزاری
دیور بو سوز لزی آهسته آغلار
قالاجاق گودورلر یرده جنازه
خرابه گوشه سینده دفن اولوندی
***
یازلدی دود آهلی او وقته
او طفلون قبرورنون داشینده بوسوز
قالاجاق گودورلر یرده جنازه
خرابه گوشه سینده دفن اولوندی