گلدوک عزا ساخلییاق، حیدر-ی-کراره بیز
وئرمه‌گه باش ساغلیقی، قولسوز علمداره بیز
شیعه نجف شاهینه، ساخلاییب عالم عزا
اوغلو حسین - و- حسن، اگنینه گئیمیش قرا
مجلیس-ی-ماتم قوروب، آل-ی- رسول-ی-خدا
آغلایین ایمداد ائده‌ک، عترت-ی-اطهاره بیز
اولماسا هر کیمسه‌نین چیشمی بوگون اشگبار
شاه-ی- اّمَمده‌ن اولور، حشر گونو شرمسار
ظولمیله‌‌ن اولدو شهید، منبع-ی- هشت-و-چهار
آزدی نقدر آغلییاق، اول شه –ی- ابراره بیز
بیزده‌ن اؤتور ائیله‌دی، هر نه ستم وار قبول
تا که رواج اولماغا، شرع-ی-مبین –ی- رسول
بیز! نه روا اولمایاق بیر بئله غمده ملول
ائتمییه‌ک اینصافیدیر سینه‌نی صدپاره بیز
آغلایین اول سروره، شیعه به شور و نوا
راه- ی- خداده وئریب اوغلی حسینی فدا
ائتدیله‌ر اولادینه هر نه ستم وار روا
حشره کیمین آغلاریق بیر بئله سرداره بیز
یادیمه دوشدوی گینه واقعه‌ی-ی- کربلا
شمر لعینه او گون ائتدیگی جور-ی –جفا
شیعه‌لرین باشینه تؤکدو کول اول بی حیا
وار یئری ایندی گزه‌ک چؤللـه‌ری آواره بیز
